ਪਰਮਜੀਤ ਗਰੇਵਾਲ

ਬਿਰਹਾ

ਕੁਝ ਤਾਂ ਬੋਲ ਵੇ ਅੜਿਆ

ਦਿਲ ਦੀ ਘੁੰਢੀ ਖੋਲ੍ਹ ਵੇ ਅੜਿਆ

ਮਹਿਕ ਵਿਹੂਣੇ ਲੋਕ ਨੇ ਏਥੇ  
ਐਵੇਂ ਨਾ ਤੜਪਾਂ ਵੇ ਅੜਿਆ

ਬੋਲ ਤੇਰੇ ਨੇ ਖੰਡ-ਮਿਸ਼ਰੀ  
ਜਾਣ ਚੁਫ਼ੇਰਾ ਰੁਸ਼ਨਾ ਵੇ ਅੜਿਆ

ਬਾਂਝ ਤੇਰੇ ਕੌਣ ਜਾਣੇ ਸਾਰ ਹਿਜ਼ਰ ਦੀ

ਆਕੇ ਠੰਡ ਪਾ ਵੇ ਅੜਿਆ

ਦਿਹੁੰ-ਦਿਨ ਨੂੰ ਰੁਸ਼ਨਾ ਵੇ ਅੜਿਆ 

ਬੋਲ ਤੇਰੇ ਨੇ ਮਿੱਠੜੇ-ਮਿੱਠੜੇ

ਕਦੇ ਤਾਂ ਲੈ ਲਾ ਸਾਰ ਵੇ ਅੜਿਆ

ਬਾਂਝ ਤੇਰੇ ਜਿੰਦ ਕੁਮਲਾਂਦੀ ਜਾਵੇ 

ਵਸਲ ਦਾ ਛਿੱਟਾ ਮਾਰ ਵੇ ਅੜਿਆ

ਉਮਰਾਂ ਦੇ ਪੰਧ ਲੰਮੇਰੇ ਅੜਿਆ 

ਬਿਨ ਤੇਰੇ ਅਸੀਂ ਜੋਗੀ ਅੜਿਆ

ਆ ਕੇ ਸਾਰ ਤਾ ਲੈ ਲਾ ਅੜਿਆ 

ਕੁਝ ਤਾਂ ਬੋਲ ਵੇ ਅੜਿਆ
ਦਿਲ ਦੀ ਘੁੰਢੀ ਖੋਲ ਵੇ ਅੜਿਆ ।

0000*0000 

ਹੱਦ-ਬੰਦੀਆਂ 

ਬੋਲੀ ਦੀਆਂ ਹੱਦ-ਬੰਦੀਆਂ
ਭਾਵੇਂ ਚੀਨ ਦੀ ਦੀਵਾਰ ਤੋਂ ਵੀ ਉਚੀਆਂ
ਪਰ ਮੁਹੱਬਤਾਂ ਨੇ ਸੱਚੀਆਂ
ਪਿਆਰ ਦੇ ਦੀਵੇ ਬਾਲ
ਦੁਨੀਆਂ ਨੂੰ ਰੁਸ਼ਨਾਵਾਂਗੇ
ਬਾਲ-ਮਨਾਂ ‘ਚੋਂ ਤੇਰ-ਮੇਰ ਹਟਾ
ਨਫ਼ਰਤ ਦਾ ਧੂੰਆਂ ਮਿਟਾਵਾਂਗੇ
ਇਕ ਦਿਨ ਢਹਿ-ਢੇਰੀ ਹੋ ਜਾਵੇਗੀ
ਆਪੇ ਨਫ਼ਰਤ ਦੀ ਦੀਵਾਰ
ਹੋ ਜਾਵੇਗੀ ਮਨੁੱਖਤਾ ਦੀ ਜੈ-ਜੈ ਕਾਰ
ਹਿੰਦੀ-ਚੀਨੀ ਭਾਈ-ਭਾਈ
ਇਹ ਹੈ ਸਾਡਾ ਨਾਅਰਾ
ਪਰ ਸੀਊ ਸਾਡਾ ਸਭ ਤੋਂ ਪਿਆਰਾ

ਪਰਮਜੀਤ ਗਰੇਵਾਲ,email : pgrewal90@gmail.com