ਕੁਲਜੀਤ ਖੋਸਾ

ਤੇਰੇ ਲਈ ਯਾਰਾ .......... 

ਰੱਬ ਦੀਆਂ ਲਿਖੀਆਂ ਅੱਗੇ  

ਕੇਰਾਂ ਅੜ ਕੇ ਵੇਖਾਂਗਾ,  

ਇੱਕ ਵਾਰੀਂ ਤੇਰੇ ਲਈ ਯਾਰਾ  

ਮੋਤ ਨਾ ਲੜ ਕੇ ਵੇਖਾਂਗਾ,  

ਤੂੰ ਬੈਠੀ ਝਨਾਂ ਤੋਂ ਪਾਰ ਹੋਵੇਂ,  

ਜਾਂ ਡੁੱਬਦੀ ਅੱਧ ਵਿਚਕਾਰ ਹੋਵੇਂ,  

ਤੇਰੀ ਆਵਾਜ ਹੀ ਇੱਕੋ ਕਾਫੀ ਏ,  

ਕੱਚਿਆਂ ਤੇ ਵੀ ਤਰ ਕੇ ਵੇਖਾਂਗਾ,  

ਪੁਨੂੰ ਥਾਂ ਆਪਾ ਵਰਤ ਲਈ,  

ਮੈਨੂੰ ਸੱਸੀ ਵਾਂਗੂੰ ਪਰਖ ਲਈ,  

ਸਿਖਰ ਦੁਪਿਹਰੇ ਤਪਦੇ ਥਲਾਂ ਦੀ  

ਰੇਤ ਚ ਸੜ ਕੇ ਵੇਖਾਂਗਾ,  

ਪੰਜ ਟਾਇਮ ਨਮਾਜਾਂ ਕਰ ਕੇ, 

ਵੇਦ ਗਰੰਥਾ ਨੂੰ ਜਾਂ ਪੜ ਕੇ, 

ਜੇ ਮਿਲ ਸਕਦੀ ਏ ਜਿੰਦਗੀ ਏਦਾਂ 

ਚੱਲ ਇਹ ਵੀ ਪੜ ਕੇ ਵੇਖਾਂਗਾ,

ਕਿਤੇ ਮਾਰ ਰੱਬ ਦੀ ਪੈ ਗਈ ਜੇ,  

ਤੈਨੂੰ ਹੋਣੀ ਕਿਧਰੇ ਲੈ ਗਈ ਜੇ, 

ਤੂੰ ਡਰੀ ਨਾ ਹੱਕ ਆਪਣੇ ਲਈ 

ਜੂਹ ਰੱਬ ਦੀ ਵੜ ਕੇ ਵੇਖਾਂਗਾ,

ਇੱਕ ਵਾਰੀਂ ਤੇਰੇ ਲਈ ਯਾਰਾ 

ਮੋਤ ਨਾ ਲੜ ਕੇ ਵੇਖਾਂਗਾ.

ਕੁਲਜੀਤ ਖੋਸਾ